Efallai yr hoffech chi hefyd
Mae’r ffotograff hwn yn dangos yr EDERNIAN a suddwyd gan long danfor Almaenig ar 20 Awst 1917. Roedd cyfran sylweddol o’r morwyr a hwyliodd ar y llongau masnach NORTH WALES, CANGANIAN ac EDERNIAN yn dod o Lŷn. Bu farw pob un ohonynt ar y môr yn dilyn ymosodiadau gan longau-U. Ffynhonnell: Rhiw.com.
Llun o’r ARVONIAN, un o chwaerlongau’r EDERNIAN, a oedd o adeiladwaith cyffelyb. Yn ystod y Rhyfel Byd Cyntaf, cafodd yr ARVONIAN ei defnyddio’n llong abwyd gan Lynges yr UD. Cafodd ei phaentio mewn cuddliw dallu i guddio ei maint a’i siâp yn y tonnau. Ffynhonnell: NH 41623 USS Santee, Naval History and Heritage Command, Washington, DC.
Ym 1914 roedd criw yr EDERNIAN yn cynnwys Hugh Roberts, brawd William Roberts y dangosir ei lun uchod. Ffynhonnell: Rhiw.com.
Hugh Griffith Hughes oedd mab ifancaf Elisabeth Hughes, 3 Bryn Glas, Nefyn. Bu farw’n 17 oed pan suddwyd yr EDERNIAN. Ffynhonnell: Rhiw.com.
Cerdyn coffa William Griffith, capten yr EDERNIAN. Ar 20 Awst 1917 fe suddwyd y llong gan y llong danfor Almaenig UB 10 tua 6 milltir o Southwold, Suffolk, wrth gludo dur o Middlesborough i Dieppe. Roedd y criw o 14 yn cynnwys Capten William Griffith a dau ddyn ifanc o’r ardal. Ffynhonnell: Rhiw.com.
Cerdyn coffa William Roberts, mab Henry a Judith Roberts, Church Street, Edern. Ffynhonnell: Rhiw.com.
Perchnogion yr EDERNIAN oedd Owen a Watkin Williams, Pwll Parc, Edern, ac roedd yn rhan o lynges fawr cwmni Golden Cross. Roedd swyddfa’r cwmni yn Nhrebiwt yng Nghaerdydd, ond roedd llawer o aelodau eu criwiau a’u capteiniaid yn dod o Nefyn, Morfa Nefyn ac Edern.
Awgrymwyd y deyrnged hon gan Gwerfyl T. Gregory. Ar y cyd ag Amgueddfa Forwrol Llŷn.