Efallai yr hoffech chi hefyd
Barc gyda chorff dur a phedwar hwylbren oedd y GRENADA. Ffynhonnell: State Library of Victoria, Australia.
Roedd y GRENADA heb lwyth nac arfau pan oedd hi ar ei ffordd o Le Havre i Efrog Newydd. Cafodd ei stopio a’i suddo 32 milltir o Beachy Head gan yr UB 40 dan reolaeth y KapLt Karl Neuman ar 22 Tachwedd 1916. Ffynhonnell: Rhiw.com.
Griffith Jones o Nefyn, a oedd yn cael ei adnabod yn lleol fel ‘Guto Pegasus’ oherwydd ei gysylltiad â’r sgwner PEGASUS, oedd capten y GRENADA o 1911 hyd 1916. Pan ymosododd y llong-U arni, newidiodd i ddillad llongwr cyffredin i osgoi cael ei gymryd yn garcharor rhyfel. Llwyddodd ef a’i brif swyddog I gyrraedd Eastbourne yn ddiogel mewn bad achub. Ffynhonnell: Rhiw.com.
Paentiad llyngesol o’r GRENADA mewn tywydd garw. Ffynhonnell: State Library of Victoria, Australia.
Dyma gopi o’r dogfennau gwreiddiol am suddo’r GRENADA a ryddhawyd gan y Morlys. Roedd dau aelod o’r criw yn bobl leol, sef Albert Jones o Gricieth, 18 oed, a Robert Jones, hefyd yn 18 oed, o Langwnnadl. Ffynhonnell: Rhiw.com.
Barc gyda chorff dur a phedwar hwylbren oedd y GRENADA. Cafodd y llong ei hadeiladu ym 1894 gan Russel & Co., Greenock, ac roedd hi’n eiddo i’r Gwalia Shipping Co. Ltd. (Roberts, Owen & Co.), Lerpwl. Ni chollodd neb ei fywyd pan gafodd ei suddo gan yr UB 40 dan reolaeth y KapLt Karl Neuman ar 22 Tachwedd 1916.
Awgrymwyd y deyrnged hon gan Gwerfyl T. Gregory. Ar y cyd ag Amgueddfa Forwrol Llŷn.