Efallai yr hoffech chi hefyd
Y medalau a enillodd Gustav am ei wasanaeth yn y Rhyfel Byd Cyntaf. Ffynhonnell: Gwerfyl T. Gregory, casgliad preifat.
Roedd Gustav yn llongwr masnach ym 1894 pan briododd ag Ann Williams o Forfa Nefyn. Cawsant ferch, Dorothy Theresa (1898–1982), a mab, John Albert (1904–1924). Boddodd John mewn damwain. Collodd Gustav ei wraig, Ann, ym 1932 a bu farw yntau ym 1941. Ni phriododd Dorothy. Ffynhonnell: Gwerfyl T. Gregory, casgliad preifat.
Mae’r ffotograff hwn yn dangos Ann Pritshow gydag un o’r plant yng nghartref ei rhieni, Penrhos Terrace, Morfa Nefyn. Roedd y teulu Pritshow yn byw ym Môn Arfon, Lôn Penrhos, Morfa Nefyn. Ffynhonnell: Gwerfyl T. Gregory, casgliad preifat.
Roedd Gustav yn parhau’n ddinesydd Almaenig yn 1901, ond dyfarnwyd tystysgrif dinasyddiad iddo ym 1903. Mae ei gerdyn mynegai Llynges Fasnachol ar gyfer 1924 yn dangos iddo gael ei eni ym Magdeburg yn yr Almaen ac mae’n nodi ei fod yn ddinesydd Prydeinig. Tua diwedd 1923, roedd wedi’i gofrestru’n glaf yn Ysbyty Morwyr y Dreadnought, Llundain. Ffynhonnell: The National Archives, Kew.
Cafodd Gustav Pritshow ei eni ger Magdeburg yn Sacsoni Prwsaidd ym 1860. Yn ystod y Rhyfel Byd Cyntaf roedd yn llongwr yn Llynges Fasnach Prydain. Ar ôl y rhyfel, derbyniodd Gustav ddwy fedal mewn cydnabyddiaeth o’i wasanaeth. Yn y 1920au bu’n gweithio ar y PAYS DE WAES a’r KHARTOUM.
Awgrymwyd y deyrnged hon gan Gwerfyl T. Gregory. Ar y cyd ag Amgueddfa Forwrol Llŷn.