Efallai yr hoffech chi hefyd
Porth Coffa Dewrion Gogledd Cymru. Dyluniwyd y porth gan y pensaer D. Wynne Thomas a chafodd ei agor gan Edward Tywysog Cymru ar 1 Tachwedd 1923. Ffynhonnell: CBHC.
Roedd Thomas Jones Williams, llongwr masnach, yn ŵr i Mary Williams, Bangor. Bu’n gweithio yn ystafell injan yr ALGIERS a oedd yn teithio o Calais i’r Barri pan gafodd ei suddo gan yr UC 65 dan reolaeth KapLt Otto Steinbrinck ar 26 Chwefror 1917. Ffynhonnell: Archifdai Gwynedd; Cofeb y Dewrion.
Gweithiwr llechi oedd Thomas John Roberts, Bangor, cyn iddo ymuno â’r Llynges Frenhinol ym mis Mawrth 1914. Roedd yn breifat ar y GOOD HOPE a gafodd ei suddo ar 1 Tachwedd 1914. Roedd yn 15 mlwydd oed. Ffynhonnell: Archifdai Gwynedd; Cofeb y Dewrion.
Cafodd Cofeb Ryfel Caernarfon ei chodi gan Rowland Lloyd Jones ym 1922. Mae arni enwau pobl o Gaernarfon a wasanaethodd yn y rhyfel, gan gynnwys Thomas Gilderdale, cogydd, a oroesodd pan suddwyd ei long gan long-U ym 1917. Ffynhonnell: CBHC.
Mae enwau 25 o ddynion a laddwyd yn ystod y Rhyfel Byd Cyntaf i’w gweld ar Gofeb Ryfel Aberdyfi. Mae enw un llongwr ymysg y rhai a gollwyd, sef yr Is-gapten John Phillips, R.N.R. Ffynhonnell: CBHC.
Cafodd Porth Coffa Dewrion Gogledd Cymru ym Mangor ei gwblhau ym 1923. Mae’n coffáu’r holl bobl o ogledd Cymru a laddwyd yn ystod y Rhyfel Byd Cyntaf. Cefnogwyd adeiladu’r gofeb gan lawer o berchenogion llongau ac roedd y Prif Weinidog, David Lloyd George, yn un o’i noddwyr.
Awgrymwyd y deyrnged hon gan Nêst Thomas. Ar y cyd a STORIEL, Bangor.