Efallai yr hoffech chi hefyd
Llun yn dangos rhai o griw distrywlong o’r Unol Daleithiau yn gwneud gwaith cynnal a glanhau ar y dec, Doc Penfro, haf 1918. Ffynhonnell: Amgueddfa Tref Hwlffordd.
Cafodd diwrnod cenedlaethol Gwlad Belg ei ddathlu yn Aberdaugleddau ym mis Gorffennaf 1915. Trefnwyd gorymdaith enfawr a oedd yn cynnwys seindorf filwrol. Yma, mae torf sy’n cynnwys menywod o Wlad Belg yn gorymdeithio i lawr Charles Street. Ffynhonnell: Amgueddfa Tref Hwlffordd.
Coedwigwyr tramor yng ngwersyll cynhyrchu coed Slebets, mae’n debyg, ym 1918. Y ffotograffydd oedd Christina C. Higgs o Hwlffordd a oedd wedi colli ei gŵr yn y rhyfel. Ffynhonnell: Amgueddfa Tref Hwlffordd.
Cafodd y gofeb Felgaidd yn Aberdaugleddau, a ddadorchuddiwyd ym mis Mawrth 1919, ei chodi gan berchnogion treill-longau Gwlad Belg i ddiolch am y lletygarwch a ddangoswyd i’w cydwladwyr yn ystod 1914-18. Ffynhonnell: Amgueddfa Tref Hwlffordd.
Caer Scoveston ger Neyland, lle cyrhaeddodd cannoedd o weithwyr Iddewig o Rwsia ym mis Hydref 1918. Ffynhonnell: Amgueddfa Tref Hwlffordd.
Yn ystod y Rhyfel Byd Cyntaf fe gafodd poblogaeth Sir Benfro ei chyfoethogi gan bobl o wledydd tramor a oedd wedi dod yno o ganlyniad i’r rhyfel. Cyrhaeddodd y mwyafrif llethol o’r grwpiau hyn ar longau. Priododd rhai ohonynt yn lleol ac mae eu disgynyddion yn byw yn Sir Benfro heddiw, yn dystiolaeth o waddol parhaol y Rhyfel Byd Cyntaf.
Awgrymwyd y deyrnged hon gan Simon Hancock. In association with Amgueddfa Tref Hwlffordd.